05/2016 芬蘭之旅 - 總結

忙咗成個星期，終於有時間將相機啲相片過落電腦度。
去咗一個多星期歐洲，重點除了公事去開會聽書外，仲包括兩日一夜快閃芬蘭之旅。時間唔多，所以只留喺首都赫爾辛基。

今次係第一次獨遊，睇啲乜，食啲乜，住咩酒店全部自己話事。可以放慢腳步跟自己步伐體驗呢個城市的生活節奏。
第一次踏足北歐（無錯，唔好恥笑我），生活指數的確幾高。但好就好在無乜乞兒或吉卜賽人喺條街度，個背囊可以放心孭喺背脊，不用怕賊人偷財物。

芬蘭人雖然母語係芬蘭語，但英語絕對無問題。佢哋仲好熱情不斷聊你傾偈。仲記得在一個濕貨市場，一位嬸嬸的店舖賣着姆明的杯碟（姆明就像是芬蘭的代表人物，到處都見到姆明相關的產物）。我只是拿起一個杯看看，老闆娘就同我雞啄唔斷地傾偈，傾了足足半小時呢！

多得天公做美，令芬蘭美好景色一面在短短的兩日一面呈現在眼前。兩日的行程，玩得的確唔夠喉。將來有機會我一定會重遊芬蘭！