05/2016 芬蘭之旅 - Old Market 裡的美味海鮮湯

看過網友的推介，說這裡的海鮮湯鮮味十足，是去到赫爾辛基必食的食物，因此去了試試。前一天下午5時去到，發現餐廳已關門。第二日臨搭飛機離開赫爾辛基前再去，在中午十二時左右到達，不需等位就能立刻就坐。

餐廳只提供兩種湯選擇。今日的湯是菠菜湯 (8歐羅) 和 海鮮湯 (10歐羅) (網上提到的價錢都是9歐羅，可能北歐都有通脹關係，現時已加價至10歐羅)。
點了一客海鮮湯，不需要5分鐘，一碗熱烘烘的海鮮湯就傳到你面前。

海鮮湯底用番茄煮開，再加上三文魚， 蝦， 青口等海鮮。 用匙羹撥一撥，這碗湯非常足料，有大量海鮮可以食到。學過一口湯，鮮味十足！
另外餐廳更無限量提供麵包，你可以點湯或點橄欖油食。一碗海鮮湯配上麵包，已經成為這趟芬蘭之旅最後一餐豐富的午餐 (飽到夜晚！)。

飲完海鮮湯又可以在 Old Market 內逛逛，裡面除了售賣鮮肉和魚之外，亦有蛋糕店，和售賣熟食的舖頭。二樓就是售賣紀念品，手作品的店舖。在市場入面走走，足以花上一至兩小時時間呢。

在赫爾辛基火車站出發，最方便是搭電車，約10分鐘就到達 Hakeniemen 站。你亦可以搭一個站地鐵去到。